Танкица Петкова – Љубовта кон професијата секогаш била нејзина најголема мотивација, а лидерството – најсилна. Таа е признат и докажан забен техничар – керамичар, обучувана од светски најдобрите во професијата. Како локално, така и регионално, се наметна на стоматолозите со својот препознатлив стил на работа, разбирање, посветеност и квалитет. Нејзин најголем предизвик се големите и комплицирани технички конструкции врз импланти, за кои таа е специјалист. Инаку, слободното време го посветува на свето семејство, а пасија и се пливањето и летните спортови.

Љубица Пецева е префинет забен техничар – керамичар. Љубовта кон уметноста и предизвикот да создава уметнички дела во забната техника била нејзина најголема мотивација да заврши како керамичар. Освен тоа што посетувала, посетува и се градела кај најдобрите во професијата, како керамичар, секојдневно се надградува во работата, темелно посветувајќи им се на изработките кои ги работи. Најголемо задоволство и причинуваат безметалните конструкции. Нејзиниот личен слоган: „Единствениот начин да бидеш успешен е да се пронајдеш во тоа што го работиш, а најголем мотив е кога денот ќе ти заврши со нечија прекрасно дизајнирана насмевка“ – ја прави една од големите вљубенички во нашата професија. Ужива во добра музика, филм и тенис. Како мајка и жена, целосно е посветена на своето семејство.